Markalaust í góðgerðarleik Rooney | Myndir

Ekkert mark var skorað þegar Manchester United og Everton áttust við í góðgerðarleik til heiðurs Wayne Rooney á Old Trafford í kvöld.

Rooney var hylltur á heimavelli sínum en hann kom frá Everton til United árið 2004 og hefur skipað sér sess sem einn af bestu leikmönnum Manchester United síðari ára.

Honum var skipt af velli á 53. mínútu og var þá hylltur af áhorfendum á Old Trafford. Rooney hóf feril sinn hjá Everton og því viðeigandi að liðið væri andstæðingur United í kvöld.

Zlatan Ibrahimovic spilaði í kvöld sinn fyrsta leik fyrir United á Old Trafford en Svíinn kom til félagsins í sumar frá PSG í Frakklandi.

Myndir úr leiknum má sjá hér fyrir neðan.

See @WayneRooney speak to the Old Trafford crowd after full-time... #MUFC https://t.co/9hPBjqYuT7

— Manchester United (@ManUtd) August 3, 2016