Vardy líkaði ekki leikstíll Arsenal

Samkvæmt heimildum Sky Sports þá hafnaði enski landsliðsframherjinn Jamie Vardy tilboði frá Arsenal þar sem honum fannst fótboltinn hjá félaginu ekki henta sér.

Englandsmeistarar Leicester City tilkynntu í gær að Vardy hefði skrifað undir nýjan fjögurra ára samning við félagið.

Arsenal reyndi að fá leikmanninn og virkjaði ákvæði í samningi hans við Leicester til þess að kaupa hann. Á endanum hafnaði leikmaðurinn því að fara þangað.

Arsenal vill halda boltanum mikið á meðan Leicester beitir skyndisóknum sem hentar hinum fljóta Vardy mjög vel.

Svo verður auðvitað ævintýri fyrir Vardy og alla hina að spila í Meistaradeildinni með Leicester.