Líklegt að Benitez fylgi Newcastle í B-deildina

Rafael Benitez mun líklega halda áfram sem knattspyrnustjóri Newcastle ef marka má fréttir frá Englandi í dag.

Benitez tók við Newcastle á miðju tímabili og gerði þá þriggja ára samning. Honum tókst hins vegar ekki að bjarga félaginu frá falli og hefur samkvæmt samningi sínum heimild til rifta honum.

Sjá einnig: Benitez: Gæti verið hér áfram

The Guardian segir að Benitez og eigandinn Mike Ashley hafi átt í viðræðum og sá síðarnefndi hafi samþykkt kröfur Spánverjans um hvernig skuli byggja upp félagið á nýjan leik og koma því aftur í deild þeirra bestu.

Benitez tók við Newcastle í mars og undir stjórn hans tapaði liðið ekki síðustu sex leikjum sínum á tímabilinu. Newcastle vann 5-1 stórsigur á Tottenham í lokaumferðinni en liðið var þá þegar fallið.

Líklegt er að samkvæmt samkomulaginu fái Benitez frjálsar hendur og fullt vald til að stýra liðinu og byggja upp nýjan leikmannahóp.