Assad biður um aðstoð við að gera upp Palmyra

Bashar al-Assad Sýrlandsforseti hefur ritað bréf til Sameinuðu þjóðanna og annarra alþjóðastofnana þar sem hann biður um aðstoð við að gera upp rústirnar í Palmyra.

Sýrlandsher hrakti liðsmenn ISIS frá borginni á dögunum þar sem tvö hof, turn og sigurbogi höfðu meðal annars verið eyðilögð. Þá voru fjölmargar styttur og ýmsir munir á safninu verið eyðilagðir.

Stór hluti rústanna standa þó enn, meðal annars stöplar og hringleikahúsið sem ISIS-liðar notuðu sem aftökustað á þeim tíu mánuðum sem þeir réðu yfir staðnum.

Forna borgin Palmyra er á heimsminjaskrá UNESCO.