Hvað ef Terry hefði farið til Man Utd?

John Terry, fyrirliði Chelsea, birti skemmtilega mynd á Instagram í dag.

Þar sést hann, þá 14 ára gamall, með Sir Alex Ferguson, þáverandi knattspyrnustjóra Manchester United, ásamt foreldrum sínum.

Myndin er tekin árið 1994 en ári síðar gekk Terry í raðir Chelsea þar sem hann hefur verið síðan.

Eins og Terry skrifar við myndina sér hann ekki eftir þeirri ákvörðun enda hefur hann unnið fjölda titla með Chelsea.

Terry bætir því við að hann beri mikla virðingu fyrir Ferguson og muni aldrei því sem hann hafi gert fyrir sig og sína fjölskyldu.

Terry, sem er 35 ára, hefur alls leikið 707 leiki fyrir Chelsea og skorað 66 mörk. Hann er þriðji leikjahæsti leikmaðurinn í sögu félagsins á eftir Ron Harris (795) og Peter Bonetti (729).

Flashback to a young 14 year old JT Who would have thought I would go onto win 4 Premier Leagues and 5 FA Cups. @chelseafcI have so much respect for Sir Alex Ferguson and will never forget what he done for me and my family

A photo posted by John Terry (@johnterry.26) on Sep 6, 2016 at 12:45am PDT