Wenger líkir Perez við Vardy

Arsene Wenger, knattspyrnustjóri Arsenal, líkir Lucas Perez við enska framherjann Jamie Vardy en sá síðarnefndi var Englandsmeistari með Leicester á síðasta tímabili.

Wenger er að öllum líkindum að klófasta Perez frá spænska liðinu Deportivo La Coruna á næstu dögum en Wenger reyndi einmitt mikið að fá Jamie Vardy til liðsins fyrr í sumar. Arsenal mun greiða 17 milljónir punda fyrir Perez.

„Hann getur spilað á nokkrum stöðum á vellinum og blómstraði sein á sínum ferli. Hann nýtir sín færi mjög vel og væri frábær viðbót í okkar hóp,“ segir Wenger en Perez er 27 ára en hann var spurður hvort Perez og Vardy væru líkir leikmenn og svaraði Wenger: „Já, mér líkar vel við þá kenningu.“

Arsenal hefur aðeins fengið einn leikmann til liðsins í sumar og er það Granit Xhaka sem kom frá Borussia Monchengladbach fyrir 30 milljónir punda.