Arsenal án lykilmanna næstu þrjá leikina | Costa vongóður

Þeir Alex Oxlade-Chamberlain og Theo Walcott verða missa af öllum líkindum af næstu þremur leikjum Arsenal en þeir meiddust báðir í leik liðsins gegn Sheffield Wednesday í enska deildabikarnum í gær.

Walcott meiddist á kálfa og Oxlade-Chamberlain aftan í læri. Þeir missa líklega af leikjum Arsenal gegn Swansea og Tottenham í ensku úrvalsdeildinni en þess á milli spilar liðið við Bayern München í Meistaradeild Evrópu.

Diego Costa, sóknarmaður Chelsea, meiddist einnig í deildabikarnum í gær er Chelsea tapaði fyrir Stoke í vítaspyrnukeppni.

Costa fór af velli í fyrri hálfleik og var fluttur upp á sjúkrahús þar sem að óttast var að hann hefði rifbeinsbrotnað. Svo alvarleg reyndust meiðslin ekki vera og er Costa vongóður um að ná leik Chelsea gegn Liverpool á laugardag.