Southampton fær Klopp í heimsókn

Southampton og Liverpool eigast við í stórleik fjórðungsúrslita ensku deildabikarkeppninnar en dregið var í kvöld.

Liverpool fagnaði í kvöld sínum fyrsta sigri undir stjórn Þjóðverjans Jürgen Klopp er liðið sló Bournemouth úr leik í 16-liða úrslitunum.

Leikirnir fara fram 30. nóvember en fimm úrvalsdeildarlið eru eftir í pottinum og er þetta eini úrvalsdeildarslagurinn.

Middlesbrough, sem sló Manchester United úr leik í kvöld, fær Everton í heimsókn og þá tekur Stoke, sem vann Chelsea í 16-liða úrslitum, Sheffield Wednesday í heimsókn. Wednesday vann Arsenal sannfærandi í gær, 3-0.

Manchester City tekur svo á móti Hull sem sló út úrvalsdeildarlið Leicester úr leik.

Leikirnir:

Middlesbrough - Everton

Southampton - Liverpool

Stoke - Sheffield Wednesday

Manchester City - Hull