Sunderland tapaði í fyrsta leik Stóra Sam | Vardy hetja Leicester

Sunderland tapaði 1-0 fyrir West Brom í fyrsta leik liðsins undir stjórn Sam Allardyce.

Ljóst er að Stóra Sams bíður erfitt verkefni en Sunderland er aðeins með þrjú stig í 19. og næstneðsta sæti deildarinnar, fimm stigum frá öruggu sæti.

Saido Berahino skoraði eina mark leiksins en með sigrinum komst West Brom upp í 12. sæti deildarinnar.

Jamie Vardy var hetja Leicester City sem gerði 2-2 jafntefli við Southampton á St. Mary's.

Miðverðirnir Jose Fonte og Virgil van Dijk komu Dýrlingunum 2-0 yfir í fyrri hálfleik en Vardy minnkaði muninn á 66. mínútu.

Hann jafnaði svo metin í uppbótartíma með sínu níunda marki í vetur en hann er markahæstur í ensku úrvalsdeildinni.

Þá vann West Ham 1-3 sigur á Crystal Palace á Selhurst Park.

Carl Jenkinson kom Hömrunum yfir á 22. mínútu en þetta var annað mark hans í síðustu tveimur leikjum.

Yohan Cabaye jafnaði metin úr vítaspyrnu þremur mínútum seinna en þetta var fjórða mark Frakkans á tímabilinu.

Dwight Gayle fékk að líta rauða spjaldið mínútu fyrir hálfleik en einum færri virtust leikmenn Palace ætla að halda út en Manuel Lanzini gerði út um þær vonir þegar hann skoraði annað mark West Ham tveimur mínútum fyrir leikslok. Dimitri Payet gulltryggði svo sigur West Ham með marki í uppbótartíma.

Mörkin úr leikjum þremur má sjá hér að neðan.

Úrslit dagsins:

Tottenham 0-0 Liverpool

Chelsea 2-0 Aston Villa

1-0 Diego Costa (34.), 2-0 Alan Hutton, sjálfsmark (54.).

Rautt spjald: Dwight Gayle, Crystal Palace (44.).

Everton 0-3 Man Utd

0-1 Morgan Schneiderlin (18.), 0-2 Ander Herrera (22.), 0-3 Wayne Rooney (62.).

Man City 5-1 Bournemouth

1-0 Raheem Sterling (7.), 2-0 Wilfried Bony (11.), 2-1 Glenn Murray (22.), 3-1 Sterling (29.), 4-1 Sterling (45.), 5-1 Bony (89.).

Crystal Palace 1-3 West Ham

0-1 Victor Moses (23.), 1-1 Yohan Cabaye, víti (25.), 1-2 Manuel Lanzini (88.), 1-3 Dimitri Payet (90+4).

Southampton 2-2 Leicester

1-0 Jose Fonte (21.), 2-0 Virgil van Dijk (37.), 2-1 Jamie Vardy (66.), 2-2 Vardy (90+1).

West Brom 1-0 Sunderland

1-0 Saido Berahino (54.).

West Brom 1-0 Sunderland Southampton 2-2 Leicester Crystal Palace 1-3 West Ham