Kane bjargvættur Tottenham | Sjáðu mörkin

Harry Kane bjargaði stigi fyrir Tottenham þegar West Ham kom í heimsókn á White Hart Lane í dag. Lokatölur 2-2.

Mörkin úr leiknum má sjá hér að neðan.

Kane jafnaði metin í uppbótartíma þegar hann skoraði af stuttu færi eftir að Adrián varði vítaspyrnu hans.

Níu mínútum áður hafði Danny Rose minnkað muninn í 1-2 en Tottenham setti mikla pressu á West Ham á lokamínútunum.

Cheikhou Kouyaté kom Hömrunum yfir á 22. mínútu með skalla eftir fyrirgjöf vinstri bakvarðarins Aaron Cresswell. Þetta var þriðja deildarmark Senegalans í vetur.

Annar Senegali, Diafra Sakho, kom West Ham í 0-2 á 62. mínútu en það dugði skammt.

Tottenham er með 44 stig í 6. sæti en West Ham er í því áttunda með 39 stig. Hamrarnir hafa ekki unnið í síðustu fjórum leikjum sínum.

Tottenham 0-1 West Ham Tottenham 0-2 West Ham Tottenham 1-2 West Ham Tottenham 2-2 West Ham