Vísindamenn þróa vélmenni sem tapar aldrei í steinn, skæri, blað

Nú er mikið rætt um hvaða hlutverkum vélmenni muni gegna í framtíðinni og hafa menn velt því fyrir sér hvaða störf vélmenninn muni taka yfir nú þegar þróun þeirra flýgur fram á hverjum degi. Háskólinn í Tokyo lætur sitt ekki liggja eftir í þróun vélmenna og hafa vísindamenn við háskólann nú þróað vélmenni sem gætt er undraverðum eiginleika: Það tapar aldrei í leiknum steinn, skæri, blað.

Rannsakendur hjá Ishikawa Watanabe þróuðu vélmenni, eða réttara sagt vélhendi eins og sjá má á myndbandinu hér fyrir neðan, sem nýtir sér háhraðamyndavél og spegla til þess að greina hreyfingar mótaðilans. Sérstakir algrímar meta hreyfingarnar og taka ákvörðun á örskotsstundu um hvort velja eigi stein, skæri eða blað. Þetta ferli tekur um eina millisekúndu og er vélmennið enn ósigrað.