Stemningin betri eftir að Mourinho fór

John Obi Mikel, leikmaður Chelsea, telur að andrúmsloftið hjá félaginu hafi batnað eftir að Jose Mourinho fór frá félaginu fyrr í þessu mánuði.

Mourinho var rekinn eftir hræðilega byrjun Chelsea á tímabilinu en liðið var þá búið að tapa níu af fyrstu sextán leikjum sínum. Mourinho gerði þó Chelsea að Englandsmeistara í vor.

Sjá einnig: Mourinho rekinn frá Chelsea

Guus Hiddink, sem vann bikarinn með Chelsea árið 2009, var ráðinn til að stýra liðinu til loka tímabilsins og þekkja því leikmenn vel til hans.

„Hann hefur ekki breytt miklu enn en hann var hér áður og þekkir staðinn og starfsmennina,“ sagði Mikel um nýja stjórann sinn. „Það eru margir nýir leikmenn þar að auki. Bara ég og John Terry vorum hér þegar hann var hér síðast. En hann veit hvað þarf að gera.“

„Það er ljóst að hann mun ekki framkvæma nein kraftaverk en við viljum koma okkur úr neðri hluta deildarinnar. Við höfum ekki tapað þremur leikjum í röð og þetta er því allt í rétta átt.“

Sjá einnig: Ekkert tilboð komið frá United

Hann segir erfitt að átta sig á því hvað hafi farið úrskeðis, sérstaklega fyrir þá sem hafa lítið spilað. En líklegast sé að allir hafi brugðist - bæði leikmenn og þjálfari.

„En við höfum sagt skilið við þennan kafla og andrúmsloftið hefur batnað síðan það var skipt um stjóra. Þetta er í góðu lagi núna - það vantar bara að úrslitin falli okkur í hag.“

„Jose er frábær stjóri og verður alltaf frábær náungi. En stundum er fótbolti grimm íþrótt.“