Shaqiri: Stoke á að stefna á topp fjögur

Xherdan Shaqiri telur að Stoke eigi að berjast um Meistaradeildarsæti í ensku úrvalsdeildinni og telur að liðið hafi fulla burði til að vera eitt af fjórum efstu liðum deildarinnar.

Stoke vann magnaðan 4-3 sigur á Everton á dögunum þar sem Shaqiri skoraði tvö mörk. Stoke er nú í níunda sæti deildarinnar en Svisslendingurinn telur að liðið eigi að stefna hærra.

Sjá einnig: Sjáið tvö frábær mörk hjá Xherdan Shaqiri

„Maður veit aldrei í fótboltanum. Enska úrvalsdeildin er óútreiknanleg þetta tímabilið. Sumum liðum hefur gengið illa en öðrum eins og Leicester vel. Það getur allt gerst í deildinni,“ sagði Shaqiri.

„Við verðum að halda áfram að spila vel og við sjáum svo til hverju það skilar okkur í lok tímabilsins. Við höfum verið að vinna stóru liðin og þurfum líka að vinna lið sem eigum að vinna.“

„En litlu liðin eru góð enda með nýja leikmenn. Allir leikir eru erfiðir í ensku úrvalsdeildinni.“