Sjáið tvö frábær mörk hjá Xherdan Shaqiri | Myndband

Svisslendingurinn Xherdan Shaqiri skoraði tvö mörk fyrir Stoke City í fyrri hálfleik á móti Everton í ensku úrvalsdeildinni í dag.

Xherdan Shaqiri kom Stoke tvisvar yfir í hálfleiknum, fyrst 16. mínútu og svo aftur á lokamínútu fyrri hálfleiksins en Romelu Lukaku jafnaði metin í 1-1 sex mínútum eftir fyrra mark Shaqiri.

Bæði mörk Xherdan Shaqiri voru afar vel framkvæmd, það fyrra kom eftir frábæra samspils sóknarmanna Stoke-liðsins og það seinna er eitt af mörkum tímabilsins til þessa.

Bojan átti stóran þátt í báðum mörkum fyrst spilaði hann Marko Arnautović í gegnum vörnina áður en Austurríkismaðurinn gaf stoðsendingu á Shaqiri og svo átti Bojan stoðsendinguna í seinna markinu.

Þetta voru tvö fyrstu mörk Xherdan Shaqiri í ensku úrvalsdeildinni á þessu tímabili en hann hafði áður gefið þrjár stoðsendingar á félaga sína.

 

Samvinna Shaqiri, Bojan og Arnautovic er frábær og fótboltinn sem Mark Hughes lætur Stoke City spila er orðinn einn sá skemmtilegasti í deildinni.

Mörkin hans Xherdan Shaqiri má hér sjá í spilaranum hér fyrir ofan.