Sunderland náði í fyrsta sigurinn á tímabilinu gegn Newcastle

Stóri Sam Allardyce stýrði sínum mönnum í Sunderland til fyrsta sigursins í ensku úrvalsdeildinni í knattspyrnu á tímabilinu. Liðið vann frábæran sigur á grönnum sínum í Newcastle, 3-0.

Allardyce tók við liðinu á dögunum og er strax farinn að safna stigum. Adam Johnson kom Sunderland yfir rétt fyrir lok fyrri hálfleiks eftir að Fabricio Coloccini hafði brotið á leikmanni Sunderland innan vítateigs.

Coloccini fékk beint rautt spjald fyrir brot sitt og var Newcastle einum leikmanni færri út leikinn. Billy Jones kom síðan Sunderland í 2-0 á 65. mínútu og útlitið svart fyrir Newcastle.

Steven Fletcher innsiglaði frábæran sigur Sunderland rétt fyrir lok leiksins með góður marki.

Fyrsti sigur Sunderland því staðreynd og liðið er nú með sex stig í 18. sæti sæti deildarinnar. Newcastle er einnig með sex stig, sæti neðar. 

Adam Johnson kemur Sunderland yfir 1-0

Billy Jones kemur Sunderland í 2-0

Steven Fletcher kemur Sunderland í 3-0