Aron Einar spilaði í markalausu jafntefli

Cardiff mætti sætta sig við markalaust jafntefli við Bristol City á heimavelli sínum í ensku B-deildinni í kvöld.

Aron Einar Gunnarsson lék allan leikinn fyrir Cardiff og var í byrjunarliðinu annan leikinn í röð eftir að hafa verið mikið á bekknum framan af tímabili. Aron fékk áminningu á 50. mínútu leiksins.

Varamaðurinn Sammy Ameobi hefði getað tryggt sínum mönnum í Cardiff sigur í lok leiksins en hann fór illa að ráði sínu er hann skaut framhjá af stuttu færi.

Cardiff er í áttunda sæti deildarinnar með 21 stig en Bristol í 20. sæti með ellefu.