Wenger vill ekkert segja

Arsene Wenger, knattspyrnustjóri Arsenal, vill ekkert með Jose Mourinho hafa. Það fer ekkert framhjá neinum og sannaðist enn einu sinni á blaðamannfundi fyrir stórleik helgarinnar í ensku úrvalsdeildinni.

Arsene Wenger vill ekki einu sinni gefa það upp hvort að hann ætli að taka í höndina á Portúgalanum eftir leik Arsenal og Chelsea á Stamford Bridge á morgun.

Enskir fjölmiðlar hafa verið mjög uppteknir af mjög stirðu sambandi knattspyrnustjóra Chelsea og Arsenal en franski knattspyrnustjórinn vill ekkert segja um málið.

„Sjáið þið til. Þetta fær alltof mikla athygli. Fólk kemur á fótboltaleiki til að horfa á fótbolta. Allt annað er aukaatriði," sagði Arsene Wenger á blaðamannafundi í dag.

Sjá einnig:Mourinho: Sum félög hafa valdið vonbrigðum í 15 ár með sama stjóra

Ensku blaðamennirnir gáfust þó ekki upp og spurðu hann aftur út í Jose Mourinho. „Ég hef ekkert meira að segja um þetta," sagði Wenger pirraður.

Það var eins og skvetta olíu og eld þegar Jose Mourinho óskaði öllum leikmönnum Arsenal, og þá meina ég öllum, til hamingju með sigurinn í leiknum um Samfélagsskjöldinn í haust en hunsaði síðan Wenger þegar franski stjórinn kom síðastur niður tröppurnar.

Allt þetta sjást vel í sjónvarpsútsendingunni frá leiknum og vikuna á eftir kepptust ensku fjölmiðlamennirnir sér upp úr slæmum samskiptum tveggja af sigursælustu knattspyrnustjórum ensku úrvalsdeildarinnar undanfarna áratugi.

Wenger vann sögulegan sigur í leiknum á Wembley í ágúst því þetta var fyrsti sigur hans á móti liði undir stjórn Mourinho. Mourinho tapaði ekki í fyrstu þrettán leikjum sínum á móti Wenger.

Sjá einnig:Mourinho hundsaði Wenger eftir leik og henti verðlaunapeningnum upp í stúku

Jose Mourinho sleppur ekkert við Wenger-spurningarnar á sínum blaðamannafundi þótt að sá fundur muni örugglega snúast meira um slæma byrjun ensku meistaranna á þessu tímabili og gríðarlegt mikilvægi þess að vinna Arsenal á morgun ætli Chelsea-liðið að vera með í titilbaráttunni á þessari leiktíð.