Úðarar í Auschwitz reita safngesti til reiði

Ísraelsmenn sem heimsóttu útrýmingarbúðirnar í Auschwitz á dögunum rak í rogastans þegar þeir komu að úðurum nærri inngangi safnsins, ef marka má fjölda vefmiðla um víða veröld.

Úðurunum var komið fyrir til að kæla niður gesti safnsins en mörgum þóttu úðararnir vera heldur ósmekklegir í ljósi gasklefana sem áður tóku milljónir manna af lífi í útrýmingarbúðunum.

„Um leið og ég steig úr rútunni labbaði ég inni í úðaraferlíkið,“ sagði Meyer Bolka, einn Ísraelsmannanna sem heimsótti safnið við Ynet-fréttastofuna. „Ég fékk áfall, þetta var eins og að fá högg í magann.“

Að sögn Bolka notuðu margir yngri gesta safnsins úðarana til að kæla sig niður en staðsetning þeirra reitti víst marga eldri safngestina til mikillar reiði.

"Showers" placed at Auschwitz entrance http://t.co/VS7s1WcHX5 pic.twitter.com/rzlQJdpksh

— Ynetnews (@ynetnews) August 31, 2015

„Mér finnst að staður sem þessi hefði mátt hugsa betur um þau hugrenningartengsl sem þessir úðarar myndu kalla fram,“ bætti Bolka við. „Ef þú vilt kæla niður fólk þá verðurðu að láta þér detta eitthvað annað í hug. Það var ekki falleg sjón að sjá þessa úðara.“

Talið er að um milljón gyðingar, Rómafólk, sovétmenn og aðrir fangar nasista hafi verið teknir af lífi í Auschwitz, þar af margir í gasklefunum sem úðararnir þykja svipa til.

Fram kemur í frétt Ynet að aðstandendur safnsins hafi sent frá sér yfirlýsingu þar sem þeir harma það að fólk hafi móðgast enda hafi það alls ekki verið ætlunin með uppsetningu úðaranna. Meiningin hafi einungis verið að kæla niður fólk á einum heitasta degi ársins. Uppsetning úðaranna verður endurmetin á næstu dögum.

Heimsóknum á safnið hefur fjölgað mikið á þessu ári en talið er að um 250 þúsund manns hafi sótt í Auschwitz á fyrstu þremur mánuðum ársins – sem er aukning um 40 prósent milli ára.

ככה נראית עכשיו הכניסה לאושוויץ בירקנאו. צינורות עם מים להפגת החום. נשלח ע"י מבקרים ישראלים שלא אהבו את איך שזה נראהמה דעתכם?

Posted by ‎הצינור‎ on Sunday, 30 August 2015