Tveir japanskir fjallgöngumenn létust á Matterhorn

Tveir japanskir fjallgöngumenn hafa fundist látnir á Matterhorn í svissnesku Ölpunum.

Utanríkisráðuneyti Japans greinir frá því að báðir mennirnir hafi verið á sjötugsaldri en hafa ekki gefið upp frekari upplýsingar.

Í frétt BBC segir að mennirnir hafi lent í slæmu veðri þegar þeir voru á leið niður af fjallinu um síðustu helgi.

Líkamsleifar tveggja japanskra fjallgöngumanna sem týndust fyrir 45 árum síðan fundust í hlíðum Matterhorn um síðustu helgi. Lífsýni voru tekin til að bera kennsl á líkin, en  líkamsleifar fjölda fólks hafa fundist í hlíðum fjallasins á undanförnum árum vegna bráðnun íss.

Matterhorn er 4.478 metra hátt og þykir eitt auðþekkjanlegasta fjall heims vegna píramídalögunar sinnar.

Fleiri hundruð manna hafa látið lífið á leið sinni upp eða niður fjallið.