Sterling orðinn leikmaður Man City

Raheem Sterling er orðinn leikmaður Manchester City en félagið gekk frá kaupunum á honum frá Liverpool í dag.

City greiðir Liverpool 49 milljónir punda fyrir Sterling sem gerir hann að dýrasta leikmanni í sögu félagsins.

Sterling, sem er tvítugur, skrifaði undir fimm ára samning við City en honum var úthlutað treyju númer sjö.

Sterling, sem er fæddur á Jamaíka, gekk til liðs við Liverpool árið 2010 og lék sinn fyrsta leik fyrir aðallið félagsins gegn Wigan 24. mars 2012, aðeins 17 ára aldri. Hann lék alls 129 leiki fyrir Liverpool og skoraði 23 mörk.

Sterling er dýrasti enski leikmaður sögunnar og næstdýrasti breski leikmaður sögunnar á eftir Gareth Bale.

The moment @sterling31 put pen to paper at #mcfc. #welcomeraheem https://t.co/PUbqmpwl5B

— Manchester City FC (@MCFC) July 14, 2015