Everton skellti lærisveinum van Gaal | Sjáðu mörkin

Frábært gengi Everton í ensku úrvalsdeildinni heldur áfram en í dag skellti liðið Manchester United á heimavelli, 3-0.

Mörkin úr leiknum má sjá hér að neðan.

Þetta var fimmti sigur Everton í síðustu sex leikjum en liðið er komið upp í 10. sæti deildarinnar.

United er hins vegar í 4. sæti en liðið hefur tapað tveimur leikjum í röð í deildinni eftir sex sigurleiki í röð þar á undan.

James McCarthy kom Everton yfir strax á 5. mínútu og hálftíma síðar bætti John Stones öðru marki við þegar hann skallaði hornspyrnu Leightons Baines í netið.

Staðan var 2-0 í hálfleik og fram á 74. mínútu þegar varamaðurinn Kevin Mirallas gulltryggði sigur Everton eftir að hafa sloppið inn fyrir vörn United.

Fleiri urðu mörkin ekki og Everton fagnaði góðum sigri.

James McCarthy kemur Everton í 1-0: John Stones kemur Everton í 2-0: Kevin Mirallas bætir við þriðja markinu: