Erlent

Sprengjuárás í Karkív

Bjarki Ármannsson skrifar
Lík vafið í úkraínska fánann eftir sprenginguna í dag.
Lík vafið í úkraínska fánann eftir sprenginguna í dag. Vísir/AP
Að minnsta kosti tveir eru látnir, þar af einn lögregluþjónn, eftir sprengingu í Karkív, næststærstu borg Úkraínu, fyrr í dag. Fjöldi fólks var þar kominn saman til að minnast þess að eitt ár er liðið frá uppreisninni í Kænugarði sem varð til þess að Viktor Janúkívits forseta var steypt af stóli.

Að því er segir á vef BBC eru um tíu manns til viðbótar taldir hafa slasast í sprengingunni. Öryggissveitir hafa fjóra í haldi grunaða um árásina.

Karkív liggur fyrir utan átakasvæðið í austurhluta landsins, þar sem svo virðist sem loksins hafi dregist úr átökum vegna boðaðs vopnahlés. Ríkisstjórn Úkraínu hefur samþykkt að flytja burt mikið magn vopna af átakasvæðinu og uppreisnarsinnar stefna að því að hefja svipað ferli á þriðjudag.


Tengdar fréttir

Flutu sofandi að feigðarósi

Bresk þingnefnd gagnrýnir bæði bresku stjórnina og ráðamenn Evrópusambandsins harðlega fyrir ómarkviss vinnubrögð í aðdraganda stríðsins í Úkraínu.

Áfram barist um bæinn Debaltseve

Hvorki úkraínskir uppreisnarmenn né stjórnarher Úkraínu hafa viljað hætta átökum um 25 þúsund manna bæ, þrátt fyrir að samið hafi verið um vopnahlé sem átti að hefjast um helgina. Hvorugir vilja flytja þungavopn sín frá bænum.

Þungavopnin flutt frá víglínunni

Stjórnvöld í Úkraínu og aðskilnaðarsinnar í austurhluta landsins hafa samþykkt að flytja þungavopn sín frá víglínunni í samræmi við vopnahlésskilmála.

Mest lesið


Fleiri fréttir

Sjá meira


×

Mest lesið