Myndand úr dróna: Gífurleg eyðilegging í Kobane

Árás Íslamska ríkisins á borgina Kobane, við landamæri Sýrlands og Tyrklands, hófst um miðjan september í fyrra og voru meðal annars gerðar stórskotaárásir á borgina. Hersveitir Kúrda vörðu borgina af mikilli hörku og var oft á tíðum tvísýnt um hvort það tækist.

Nú hafa vígamennirnir verið hraktir á brott og embættismenn huga að því að byggja borgina upp að nýju. Ljóst er að það mun krefjast mikillar vinnu og vera mjög dýrt. Eins og sjá má á meðfylgjandi myndbandi er eyðileggingin í Kobane gífurlega mikil.