Forsetakosningum í Nígeríu frestað

Kjörstjórn í Nígeríu hefur ákveðið að fresta forsetakosningum sem fara áttu fram næstkomandi laugardag af öryggisástæðum. Þess í stað fara kosningarnar fram þann 28. mars.

Fulltrúar stjórnmálaflokka landsins hafa rætt um það að undanförnu hvort ekki væri rétt að bíða með kosningarnar á meðan ástandið í norðausturhluta landsins er eins og raun ber vitni. Hryðjuverkasamtökin Boko Haram hafa að undanförnu herjað á íbúa landsins og þótti ekki öruggt að hafa kjörstaði opna á laugardaginn.

Talið var að milljónir manna myndu veigra sér við að mæta á kjörstað meðan hryðjuverkaógnin væri jafn mikil og raun ber vitni. Tæplega tvær milljón manns hafa neyðst til að yfirgefa heimili sína vegna bardaganna sem geisað hafa í landinu.

Attahiru Jega, yfirkjörstjóri, sagði á blaðamannafundi að yfirmenn öryggismála landsins teldu sig þurfa sex vikur til að sigra Boko Haram. Þeir hafa þann tíma áður en að kosningarnar verða haldnar.