Glæsimark Sterling í jafntefli Liverpool og Chelsea | Sjáðu mörkin

Liverpool og Chelsea skildu jöfn, 1-1, í fyrri leik liðanna í undanúrslitum enska deildarbikarsins á Anfield í kvöld.

Mörkin í leiknum má sjá hér að neðan.

Chelsea leiddi 0-1 í hálfleik eftir að Eden Hazard skoraði af vítapunktinum á 18. mínútu. Vítaspyrnan var dæmd eftir að Þjóðverjinn Emre Can braut á Hazard innan teigs.

Þetta var eina skot Chelsea á markið í leiknum en Bláliðar sköpuðu sér lítið sem ekkert í kvöld.

Eftir tæplega klukkutíma leik jafnaði Raheem Sterling metin með glæsilegu marki. Hann fékk þá boltann inn á miðjum vallarhelmingi Chelsea, keyrði í átt að markinu og skoraði með vinstri fótar skoti framhjá Thibaut Courtois í marki gestanna.

Fleiri urðu mörkin ekki og liðin sættust á skiptan hlut. Þau mætast á ný að viku liðinni á Stamford Bridge.

Liverpool 0-1 Chelsea Liverpool 1-1 Chelsea