Balotelli fagnaði ekki fyrsta markinu en brosti á Instagram í staðinn

Mario Balotelli tryggði Liverpool mikilvægan sigur á Tottenham, 3-2, í ensku úrvalsdeildinni í gærkvöldi með sínu fyrsta deildarmarki fyrir liðið.

Sigurinn kom Liverpool í 42 stig í deildinni og er það nú aðeins einu stigi frá Tottenham og þremur stigum frá Arsenal í baráttunni um fjórða sætið.

Sjá einnig:Balotelli tryggði Liverpool sigur á Tottenham | Sjáið mörkin í leiknum

Fyrsta mark Balotelli í úrvalsdeildinni fyrir Liverpool:

Þrátt fyrir að ná loksins að skora mark fyrir Liverpool í úrvalsdeildinni eftir erfiða tíma á Anfield fagnaði Ítalinn ekki markinu. Hann brosti ekki einu sinni.

Framherjinn hafnaði öllum viðtalsbeiðnum eftir leikinn en þakkaði þeim sem hafa stutt sig í gegnum erfiðu tímana á Instagram í gærkvöldi.

Balotelli tók mynd af sér skælbrosandi og skrifaði: „Frábær leikur, strákar. Þetta bros er BARA fyrir þá sem hafa alltaf haft trú á mér og stutt mig. Takk fyrir og áfram Liverpool. En nú heldur maður áfram að leggja mikið á sig. Kvöldið í kvöld er fortíðin.“

Great game guys!!! This smile is ONLY for those that always Belive and support me. Thank you.and Forza Liverpool. But now head down and keep working hard. Tonight is past.

A photo posted by Mario Balotelli (@mb459) on Feb 10, 2015 at 2:46pm PST