Erlent

Skipulögðu heilan dag fyrir ofurhetjuna SpiderMable

Atli Ísleifsson skrifar
Hin sex ára gamla Mable Tooke var klædd í gervi ofurhetjunnar SpiderMable og tókst að bjarga fyrirliða íshokkíliðs Edmonton-borgar úr klóm illmennisins Mysterio.
Hin sex ára gamla Mable Tooke var klædd í gervi ofurhetjunnar SpiderMable og tókst að bjarga fyrirliða íshokkíliðs Edmonton-borgar úr klóm illmennisins Mysterio.
Ung kanadísk stúlka sem greindist með hvítblæði fyrir tveimur árum fékk draum sinn uppfylltan í gær. Hin sex ára gamla Mable Tooke var þá klædd í gervi ofurhetjunnar SpiderMable og tókst henni að bjarga fyrirliða íshokkíliðs Edmonton-borgar úr klóm illmennisins Mysterio.

Fjölmargir íbúar Edmonton-borgar tóku þátt í skipulagningu leitarinnar, sem skipulögð var af samtökunum The Children's Wish Foundation, og fylgdust margir með framgangi leitarinnar á Twitter.

Í frétt CBC kemur fram að Mable hafi í meðferð sinni lesið mikið af teiknimyndasögum. Móðir hennar segir að upphaldssögur Mable vera umn Köngulóarmanninn frá sjöunda áratugnum þar sen Mable þykir hann vera sú ofurhetja sem sé mennskastur.

Tvíeykið Köngurlóamaðurinn og SpiderMable

Samtökin The Children's Wish Foundation sendi þá „Köngurlóamanninn“ til að heimsækja Mable þar sem hún sagðist oft dreyma um að berjast gegn glæpum líkt og hann.

Samtökin unnu að skipulagningu dagsins í samstarfi við lögreglu, skrifstofu borgarstjóra, íshokkíliðinu Edmonton Oilers, foreldrum Mable og fjölmörgum öðrum borgarbúum.

Í gærmorgun var svo birt myndband á YouTube þar sem lögreglumaðurinn Steve Sharpe ræddi við fréttamann og biðlaði til ofurhetjunnar SpiderMable um að aðstoða við leitina að Andrew Ference, fyrirliða Oilers.

Don Iverson, borgarstjóri Edmonton, boðaði svo þau Köngurlóamanninn og SpiderMable á fund sinn þar sem borgarstjórinn bað tvíeykið um að hafa uppi á Ference og illmenninu Mysterio.

Hófst þá mikil leit þar sem Mable hafði uppi á vísbendingum og hlaut þjálfun sem ofurhetja. SpiderMable og Köngurlóamaðurinn höfðu svo loks uppi á Ference og Mysterio í dýragarði borgarinnar þar sem Ference var bjargað við mikinn fögnuð viðstaddra.

Mest lesið


Fleiri fréttir

Sjá meira


×

Mest lesið