Úkraínuher réðst á brynvarða bíla Rússlandshers

Stórskotalið Úkraínuhers hefur skemmdi og eyðilagði nokkra brynvarða bíla Rússlandshers sem héldu yfir landamærin til Úkraínu síðustu nótt.

Þetta fullyrðir Petro Porochenko Úkraínuforseti og segir umtalsverður hluti rússnesku bílalestarinnar hafa eyðilagst. Porochenko greindi frá þessu í samtali við David Cameron, forsætisráðherra Bretlands fyrr í dag.

Í frétt NRK kemur fram að talsmaður Úkraínuhers segi herinn hafa fylgst með rússnesku bílalestinni þegar hún hélt yfir landamærin. Reuters greinir frá því að Rússar hafni því að hafa farið yfir landamærin.

Anders Fogh Rasmussen, framkvæmdastjóri NATO, staðfestir sömuleiðis að bílar Rússlandshers hafi farið yfir landamærin til Úkraínu síðustu nótt. Segir hann alveg ljóst að með aðgerðunum séu Rússar að draga úr stöðugleika í austurhluta Úkraínu.

Fréttamenn bresku miðlanna Guardian og Telegraph fullyrtu í morgun að þeir hafi séð 23 brynvarða bíla Rússlandshers halda yfir landamærin og inn í Úkraínu í gær.