Chelsea ekki með forkaupsrétt á Barkley og Stones

Roberto Martínez, knattspyrnustjóri Everton, segir ekkert til í þeim fréttum að Chelsea sé með forkaupsrétt á tveimur efnilegustu leikmönnum félagsins; miðjumanninum RossBarkley og varnarmanninum JohnStones.

Gott samband hefur verið á milli félaganna undanfarin misseri, en Everton fékk RomeluLukaku lánaðan á síðustu leiktíð og í vetur verður Ganverjinn ChristianAtsu að láni hjá Everton frá Chelsea.

Orðrómur hefur verið uppi í Englandi um að þessir lánssamningar hafi verið gerðir til að liðka fyrir kaupum Chelsea á Barkley og Stone, en Martínez segir svo ekki vera.

„Við eigum gott og fagmannlegt samband við Chelsea og okkur finnst þeir treysta okkur fyrir leikmönnum sem þeir lána út. Ég held að það samband nái ekkert lengra,“ segir Martínez.

„Stjórnarformaðurinn á heiðurinn að þessu sambandi við Chelsea meira en nokkur annar, en það eru engir svona framtíðarsamningar í spilunum.“