Vísir greindi frá því í gærmorgun að Gylfi hefði snúið aftur til Englands úr æfingaferð Tottenham í Bandaríkjunum.
Enska blaðið Telegraph staðhæfði svo í gær að Swansea myndi greiða Tottenham tíu milljónir punda fyrir Gylfa en bróðir hans, kylfingurinn Ólafur Már Sigurðsson, nefndi sömu upphæð á Twitter-síðu sinni í gær eins og sjá má hér fyrir neðan. Það eru jafnvirði 1.956 milljóna íslenskra króna.
Tottenham greiðir reyndar Swansea sömu upphæð fyrir bakvörðinn Ben Davies auk þess sem að félagið greiðir velska liðinu fimm milljónir punda fyrir markvörðinn Michel Vorm.
Tottenham hafði áður reynt að bjóða Gylfa í beinum skiptum fyrir þá Davies og Vorm en því mun hafa verið hafnað af forráðamönnum Swansea.
Reynist þessar tölur réttar er ljóst að Gylfi Þór er orðinn einn dýrasti leikmaður Íslandssögunnar.
@frettir Alltaf betra að samgleðjast Steingrímur. 85 leikir og 13 mörk á 2 árum hjá Spurs. Seldur nú fyrir £10m. Gangi þér vel að tweeta.
— Ólafur Már Sigurðs (@OliMarSig) July 21, 2014
