Vilja banna úkraínska kommúnistaflokkinn

Yfirvöld í Úkraínu hafa farið fram á það að kommúnistaflokkur landsins verði bannaður sökum stuðnings hans við uppreisnarmenn í austurhluta landsins.

Málið var dómtekið í Kænugarði í dag en úkraínska dómsmálaráðuneytið höfðar málið á hendur á flokknum. Ráðuneytið áskar kommunista um að grafa undan einingu landsins með því að útvega uppreisnarsinnum, sem eru hliðhollir Rússum, fjármagn og vopn til að takast á við stjórnarherinn í Austur-Úkraínu.

Einnig er flokknum gefið að sök að greiða leið umdeildra þjóðaratkvæðagreiðsla í austurhluta landsins en margar þeirra hafa leitt í ljós vilja íbúa svæðisins að sameinast Rússlandi.

Framámaður í kommúnistaflokknum, Petr Symonenko, segir yfirvöld í Úkraínu „traðka á vilja kjósenda“ en flokkur hans hlaut alls rúmlega 13 prósent greiddra atkvæða í kosningunum árið 2012. Kommúnistaflokkur er því fimmti stærsti flokkur landsins.

Forseti Úkraínu, Petró Pórósjenkó, sagði í júní síðastliðnum að hann væri ekki sammála því að rétta leiðin væri ekki að banna pólitíska andstæðinga sína. Frekar ætti að láta kjósendur sjá um að útiloka óæskilegar skoðanir. Hann hefur þó ekki tjáð sig um atburðarás dagsins.