Flugvél var kyrrsett í Noregi vegna gruns um ebólusmit

Farþegaflugvél frá Amsterdam var kyrrsett á flugvellinum í Þrándheimi í tvo tíma í dag vegna gruns um ebólusmit meðal farþega. Engin mátti fara úr vélinni í um tvo tíma á meðan rannsókn heilbrigðisyfirvalda stóð.

Frá þessu greinir Vg.no. Farþegum hefur nú verið hleypt frá borði og vélinni leyft að snúa aftur til Amsterdam. Að sögn Per Jarle Ingstad, starfandi forstjóra flugvallarins, var farþegum boðið að ræða við heilbrigðisstarfsmenn eftir að þeim var loksins hleypt úr vélinni.

Yfirstandandi ebólufaraldur í Vestur-Afríku sá útbreiddasti í sögunni. Í tilkynningu frá Sóttvarnalækni í dag var ítrekað að ólíklegt þykir að veiran berist til Íslands. Þó sé verið sé að virkja viðbragðsáætlanir ef svo vildi til að hingað kæmu einstaklingar með sjúkdóminn.