Falsaði ferðalagið á Facebook og gabbaði fjölskylduna

Hin hollenska Zilla Van Der Boren gabbaði fjölskylduna sína og þóttist hafa farið í ferðalag til suðausturhluta Asíu. Van Der Boren þóttist fara í fimm vikna ferðalag og var dugleg að setja myndir af sér inn á samfélagsmiðla.

Þessi gjörningur var í raun skólaverkefni, en Van Der Boren er að læra grafíska hönnun. Hún notaði tölvuforrit til þess að breyta myndum af sér. Hún gekk einnig lengra, hún innréttaði herbergi í íbúð sinni eins og hótelherbergi. Þar talaði hún við foreldra sína og aðra fjölskyldumeðlimi í gegnum forritið Skype. Hún heimsótti einnig búddamunk sem er búsettur í Hollandi og tók mynd af sér með honum.

Þegar hinu falsaða ferðalagi lauk birti Van Der Boren myndir af vefsíðu sinni, fyrir og eftir breytingar. Þar kemur berlega í ljós hversu flink hún er að vinna á myndvinnsluforrit.

Van Der Boren vildi einnig sýna fram á hversu mikla glansmynd fólk reynir að búa til í gegnum samfélagsmiðla á borð við Facebook og Instagram. Hún birti myndband af því þegar hún tilkynnti fjölskyldu sinni að hún hafði aldrei farið í ferðalagið. Það má sjá hér að neðan. Eins og sjá má í því voru viðbrögð fólks mismunandi við þessum gjörningi Van Der Boren.

Hér að neðan má svo sjá myndbandið, þegar fjölskyldumeðlimir fá að vita að ferðalagið var falsað.

Sjezus zeg, Zilla - de onthulling/reacties from Zilla van den Born on Vimeo.