West Ham skellti Palace

West Ham lagði Crystal Palace 3-1 í annarri umferð ensku úrvalsdeildinnar í fótbolta í dag. Á sama tíma gerðu Southampton og West Brom markalaust jafntefli.

Það dró til tíðinda eftir rúmlega hálftíma leika á Selhurst Park í dag. Mauro Zarate kom West Ham yfir á 34. mínútu og  þremur mínútum síðar bætti Stewart Downing öðru marki við.

Staðan í hálfleik var 2-0 en Crystal Palace minnkaði muninn strax á þriðju mínútu seinni hálfleiks.

Vonir heimamanna brustu á 62. mínútu brustu þegar Charlton Cole gerði út um leikinn með þriðja marki West Ham United.

Þetta voru fyrstu stig West Ham á tímabilinu en Palace er enn án stiga.

Southampton náði í sitt fyrsta stig í dag gegn West Brom sem hefur gert jafntefli í báðum leikjum sínum og er því með tvö stig.