Sturridge jafnar sig í Los Angeles

Liverpool hefur sent Danile Sturridge til Los Angeles á vesturströnd Bandaríkjanna þar sem hann mun halda áfram endurhæfingu sinni.

Sturridge hefur verið að glíma við þrálát meiðsli aftan í læri en hann hefur ekkert spilað síðan í byrjun september. Fram hefur komið að hann hafi meiðst níu sinnum á sama vöðvanum á ferlinum.

„Hann fór ásamt nokkrum úr starfsliði okkar til að hann gæti fengið sérstaka meðferð,“ sagði Brendan Rodgers, stjóri Liverpool.

Jafnvel er talið að vandamálið sé arfgengt en faðir hans, sem var í unglingaliði Birmingham á sínum tíma, og tveir frændur glímdu við samskonar meiðsli.