Sturridge boðar endurkomu sína

Daniel Sturridge, leikmaður Liverpool, segist bjartsýnn á framhaldið og stefnir á að snúa aftur á völlinn innan skamms.

Sturridge verður frá næstu vikurnar vegna meiðsla aftan í læri. Meiðslin tóku sig upp á æfingu í síðustu viku og er talið að þetta sé í níunda sinn sem hann meiðist á sama vöðvanum á ferlinum.

„Þetta ferli hefur haft þroskandi áhrif á mig sem karlmann og íþróttamann,“ skrifaði hann á Twitter-síðuna sína. „Þetta er önnur hindrun sem ég þarf að sigrast á. Ég mun koma til baka innan skamms, sterkur og tilbúinn.“

Sturridge skoraði 25 mörk á síðasta tímabili en hann hefur ekkert spilað síðan í byrjun tímabilsins. Liverpool vann tvo af þeim þremur leikjum sem hann spilaði en er nú í tólfta sæti eftir að hafa fengið átta stig í síðustu níu leikjum sínum.

Liverpool tapaði fyrir Crystal Palace um helgina og gæti fallið úr leik í Meistaradeild Evrópu á miðvikudag ef liðið tapar fyrir Ludogorets frá Búlgaríu.

Through all this I'm growing as a man and an athlete. Everybody goes through things in their life that… http://t.co/iLt0xGAHVP

— Daniel Sturridge (@D_Sturridge) November 24, 2014