Grunur um tilfelli af ebólu í Berlín

Slökkvilið í Berlín hefur látið loka miðstöð fyrir atvinnuleitendur í borginni eftir að þrítug kona veiktist. Grunur leikur á að hún hafi smitast af ebólu.

Síðdegis greindi Berliner Morgenpost að sérfræðingar á sjúkrahúsinugeri ráð fyrir að konan sé með magasýningu en blóð konunnar verður rannsakað engu að síður til að hægt sé að útiloka ebólusýkingu.

Í frétt Bild segir að konan komi frá Vestur-Afríku þar sem ebólufaraldur hefur geisað síðustu mánuði og kostað rúmlega 1.200 mannslíf. Að sögn á að hafa liðið yfir konuna í miðstöðinni sem stendur við Storkower Strasse í hverfinu Prenzlauer Berg í norðausturhluta þýsku höfuðborgarinnar.

Konan sjálf hefur verið flutt á Virchow-miðstöðina á Berliner Charité sjúkrahúsinu sem er best búið til að fást við að einangra sjúklinga. Að sögn á konan nýlega að hafa verið í samskiptum við ebólusmitaða í heimalandi sínu.