Sarkozy vísar ásökunum á bug

Nicolas Sarkozy, fyrrverandi forseti Frakklands, vísar málatilbúnaði á hendur sér alfarið á bug.

Sarkozy hefur verið ákærður sakaður um margvíslega spillingu, var hafður í haldi lögreglu og mátti sæta yfirheyrslu sem stóð í 17 tíma. Þetta er í fyrsta skipti sem fyrrum leiðtogi Frakka má sæta slíkri meðferð. Sarkozy, sem stefndi á að bjóða sig fram til forseta árið 2017 hélt því fram í sjónvarpsviðtali að hið opinbera væri misnotað í pólitískum hráskinnaleik; atburðarásin væri hönnuð til að skaða orðspor sitt.