Verðmæti Man. Utd niður um ellefu prósent

Manchester United er fallið niður í þriðja sæti Forbes-listans yfir verðmætustu knattspyrnufélög heims en verðmæti þess hefur farið niður um ellefu prósent á tímabilinu.

Real Madrid er verðmætasta félag heims en það er metið á tvo milljarði punda, samkvæmt Forbes, en á eftir því koma erkifjendurnir í Barcelona sem metnir eru á 1,9 milljarð punda. Barcelona hefur aukið verðmæti sitt um 23 prósent frá síðasta lista.

Manchester United komst ekki í Meistaradeildina á tímabilinu og endar í sjöunda sæti ensku úrvalsdeildarinnar. Það er nú vermetið á 1,65 milljarð punda.

Bayern München er komið upp í fjórða sæti listans og er verðmetið á 1,1 milljarð punda en það hefur aukið verðmæti sitt um 41 prósent frá síðasta lista.

Arsenal, Chelsea, Manchester City og Liverpool eru einnig á listanum en fimmlið af tíu verðmætustu koma úr ensku úrvalsdeildinni. Tvö koma frá Spáni, tvö frá Ítalíu og eitt frá Þýskalandi.

Forbes topp tíu listinn:

Félag - verðmæti

1. Real Madrid - 2 milljarðar punda

2. Barcelona - 1,9 milljarður

3. Manchester United - 1,6 milljarður

4. Bayern München - 1,1 milljarður

5. Arsenal - 767 milljónir

6. Chelsea - 511 milljónir

7. Manchester City - 508 milljónir

8. AC Milan - 504 milljónir

9. Juventus - 501 milljón

10. Liverpool - 407 milljónir