Liverpool undirbýr tilboð í Lallana

Liverpool ætlar sér að gera Southampton tilboð í AdamLallana, miðjumanninn skemmtilega sem farið hefur á kostum með Dýrlingunum í ensku úrvalsdeildinni á tímabilinu.

Þetta herma heimildir Sky Sports en tilboðið er talið hljóða upp á 20 milljónir punda. Lallana hefur skorað 10 mörk og gefið sjö stoðsendingar í 40 leikjum í öllum keppnum á tímabilinu.

Southampton neitar því að hafa fengið tilboð í leikmanninn en BrendanRodgers, knattspyrnustjóri Liverpool, er sagður ætla ganga frá kaupunum áður en England heldur til Brasilíu 8. júní.

Fastlega er búist við því að Lallana verði mikilvægur hlekkur í enska landsliðinu í sumar eftir frábært tímabil með Southampton og ætlar Rodgers ekki að láta fleiri heillast af honum í Brasilíu og enda í kaupstríði eftir heimsmeistarakeppnina.

Yaya Touré, Steven Gerrard og EdenHazard eru einu miðjumennirnir sem skorað hafa meira en Adam Lallana á tímabilinu sem segir ýmislegt um gæði þessa 25 ára gamla Englendings