Markalaust hjá Wigan og QPR

Wigan og Queens Park Rangers gerðu markalaust jafntefli í kvöld í fyrri undanúrslitaleik sínum í umspili ensku b-deildarinnar um eitt laust sæti í ensku úrvalsdeildinni á næstu leiktíð.

Wigan og Queens Park Rangers eru bæði að reyna að komast strax aftur upp í ensku úrvalsdeildina þaðan sem þau féllu bæði fyrir ári síðan.

Knattspyrnustjórarnir Uwe Rösler hjá Wigan og Harry Redknapp hjá QPR náðu ekki að kalla það besta fram í sínum liðum í kvöld. QPR-liðið varðist samt vel og Wigan-menn komust lítið áleiðis.

Marc-Antoine Fortune hjá Wigan fékk besta færi leiksins í síðasti hálfleik.

Harry Redknapp og lærisveinar hans í QPR eru örugglega mun ánægðari með þessi úrslit enda á liðið seinni leikinn á heimavelli. Sigurvegarinn í þessum tveimur leikjum mætir annaðhvort Derby eða Brighton í hreinum úrslitaleik á Wembley.