Innlent

Lögbann lagt á innheimtu á Geysissvæðinu

Hanna Rún Sverrisdóttir skrifar
Gjaldtaka á Geysissvæðinu hófst 15. mars.
Gjaldtaka á Geysissvæðinu hófst 15. mars. VÍSIR/PJETUR
Sýslumaðurinn á Selfossi lagði í dag lögbann á innheimtu gjalds á Geysissvæðinu. Að sögn Ívars Pálssonar, lögmanns íslenska ríkisins í lögbannsmálinu gegn landeigendum á Geysisvæðinu, mun ríkið fara í dómsmál til staðfestingar á lögbanninu.

Alla jafna er vikufrestur frá því að lögbann tekur gildi til að höfða slíkt mál.

Gjaldtaka fyrir heimsóknir á hverasvæðið við Geysi hófst 15. mars.  Ríkið fór fram á lögbann við gjaldtökunni. Sýslumaðurinn á Selfossi hafnaði þeirri kröfu og í framhaldinu skaut ríkið málinu til dómstóla. Héraðsdómur Suðurlands úrskurðaði að Sýslumaðurinn á Selfossi skyldi taka ákvörðun um lögbann.

Landeigendur á Geysissvæðinu fóru fram á að ríkið legði fram tryggingu vegna lögbannsins. Samkvæmt úrskurði sýslumanns í dag er ríkinu gert að leggja fram rúmlega 59 milljón króna tryggingu. Frestur til þess að leggja trygginguna fram er fram á miðvikudag að sögn Ívars.  


Tengdar fréttir

Vill senda lögreglu á Geysissvæðið

„Hvað myndu menn gera ef einstaklingar stilltu sér upp í vegi fyrir bílaumferðina á Laugavegi eða Hverfisgötu og krefðu menn um gjald,“ sagði Ögmundur Jónasson á Alþingi í dag.

Landeigendur við Geysi krefjast tryggingar vegna hagnaðarmissis

Að meðaltali koma fimmtíu þúsund manns á mánuði, og ef gert er ráð fyrir að helmingur meðaltalsins, tuttugu og fimm þúsund manns, hafi heimsótt svæðið þann tíma sem gjaldtaka stóð, hafi landeigendur haft fimmtán milljónir upp úr krafsinu.

Lögbanni á gjaldtöku á Geysi frestað

"Aðilar sammæltust um að fresta lögbannsgerðinni,“ segir Ívar Pálsson, lögmaður ríkisins í lögbannsmáli þess gegn landeigendum á Geysissvæðinu.

Boðar mótmæli á Geysissvæðinu

„Við eigum að standa á okkar lagalega rétti, við Íslendingar, og ekki láta fjárplógsmenn komast upp með og hafa af okkur fé eins og brögð eru að nú um stundir,“ segir Ögmundur Jónasson um gjaldheimtu við Geysi og í Kerinu.

Mest lesið


Fleiri fréttir

Sjá meira


×

Mest lesið