Daily Mail: Mata á leið í þyrlu til Manchester

Daily Mail segir frá því að Spánverjinn Juan Mata sé nú á leiðinni í þyrlu frá London til Manchester til að ganga frá félagsskiptum sínum í Manchester United.

Enskir miðlar hafa allir greint frá því að Manchester United muni kaupa Mata á 37 milljónir punda frá Chelsea en hann verður þá dýrasti leikmaður félagsins frá upphafi.

Daily Mail segir Mata fari beint á æfingasvæði United þar sem hann mun hitta knattspyrnustjórann David Moyes áður en hann fer í læknisskoðun á Bridgewater-sjúkrahúsinu.

Mata muni síðan væntanlega æfa með United í fyrsta sinn á morgun en næsti leikur liðsins er á móti Cardiff City á þriðjudaginn. United er ekki að spila um helgina þar sem að liðið er dottið út úr enska bikarnum.