Mirror: Terry fer líklega í sumar

Enska dagblaðið Mirror fullyrðir í kvöld að John Terry muni yfirgefa herbúðir Chelsea þegar að samningur hans rennur út í lok tímabilsins.

Terry er sagður vilja nýjan þriggja ára samning en félagið mun aðeins vera reiðubúið að bjóða honum eins árs samning - gegn því að hann taki á sig launalækkun.

Terry hefur spilað með Chelsea allan sinn feril en hann er 33 ára gamall varnarmaður sem hefur verið í leiðtogahlutverki hjá félaginu undanfarinn áratug. Hann á að baki meira en 600 leiki með Chelsea í öllum keppnum.

Hann hefur margoft lýst því yfir að hann vilji klára ferilinn hjá Chelsea en samkvæmt frétt Mirror mun hann vera fremur viljugur til að finna sér nýtt félag í sumar en að sætta sig við tilboð Chelsea.

Friday's Daily Mirror back page - "Terry's all gone" #tomorrowspaperstoday#bbcpapers#cfcpic.twitter.com/liDia7AtNB

— Nick Sutton (@suttonnick) January 23, 2014