Podolski með tvö í öruggum sigri

Arsenal er komið áfram í fimmtu umferð ensku bikarkeppninnar eftir 4-0 sigur á C-deildarliðið Coventry í kvöld.

Lukas Podolski skoraði fyrstu tvö mörk Arsenal í kvöld en hann fékk stoðsendingu frá löndum sínum í bæði skiptin. Fyrst frá Mesut Özil og svo Per Mertesacker en allir eru þeir Þjóðverjar.

Coventry spilaði betur í síðari hálfleik og átti Leon Clarke skot í stöng. En Olivier Giroud náði svo að gera út um leikinn þegar hann skoraði þriðja mark Arsenal á 84. mínútu. Santi Cazorla innsiglaði svo endanlega sigurinn með marki fimm mínútum síðar.