Hollande hyggst skilja við maka sinn

Francois Hollande frakklandsforseti er sagður ætla að segja skilið við Valerie Trierweiler í kjölfar sögusagna um framhjáhald hans. Ráðgert er að hann muni gefa út tilkynningu þessa efnis í dag.

Hollande og Trierweiler eru ekki gift en hafa átt í sambandi síðan 2006. Hollande hefur átt undir högg að sækja vegna fregna um meint framhjáhald hans með leikkonunni Julie Gayet, en hann þykir ekki hafa skýrt mál sitt nægilega vel.

Hollande, sem er sósíalisti, er samkvæmt skoðanakönnunum óvinsælasti forseti Frakklands seinustu áratugina. Honum hefur til að mynda mistekist að standa við kosningaloforð sín um að draga úr atvinnuleysi og hefur verið mjög umdeildur fyrir áherslur sínar í skattamálum.

The Economic Times greinir frá.