Rooney í samningaviðræðum við United

Enska úrvalsdeildarfélagið Manchester United hefur hafið samningaviðræður við framherja liðsins, Wayne Rooney. Kappinn á eftir átján mánuði af samningi sínum við Englandsmeistarana. BBC greinir frá.

Rooney, sem er 28 ára, er með 250 þúsund pund í vikulaun hjá United sem svarar til 47 milljóna íslenska króna. Ljóst er að laun kappans myndu ekki lækka með nýjum samningi.

Rooney óskaði eftir sölu frá United síðastliðið vor sem fór öfugt ofan í þáverandi stjóra liðsins, Sir Alex Ferguson. Fór svo að Rooney spilaði ekki síðustu leiki liðsins. Hann hefur verið orðaður við Chelsea sem gerði tilboð í hann í sumar