Ótrúlegt klúður hjá Darren Bent | Myndband

Enski framherjinn Darren Bent fór heldur betur illa að ráði sínu í 1-1 jafntefli Fulham gegn Sheffield United í fjórðu umferð enska bikarsins í knattspyrnu í dag.

Fulham lék í 40 mínútur manni fleiri gegn C-deildarliðinu frá Sheffield en það dugði ekki til að knýja fram sigur. Hefði allt gengið eðlilega fyrir sig hefði Bent skorað sigurmarkið fjórum mínútum fyrir leikslok.

Framherjinn fékk þá boltann fyrir opnu marki heimamanna eftir skrautlega sókn en setti boltann á ótrúlegan hátt framhjá. Hann fór strax að pæla í því hvort liðsfélagi hans, sem skallaði boltann til hans, hefði ekki verið rangstæður en svo var ekki. Einfaldlega ótrúlegt klúður.

Atvikið má sjá í spilaranum hér að ofan.