Juan Mata í byrjunarliði Manchester United í kvöld

David Moyes, knattspyrnustjóri Manchester United, henti nýja manninum Juan Mata beint inn í byrjunarliði liðsins en United tekur á móti Cardiff City á Old Trafford í kvöld.

Juan Mata og Robin van Persie eru báðir í byrjunarliðinu en Wayne Rooney byrjar á bekknum. United keypti Mata frá Chelsea í vikunni en van Persie hefur verið meiddur.

„Við viljum komast aftur á sigurbraut í kvöld. Juan Mata er í liðinu. Það er engin pressa á honum en mér fannst ég geta sett hann beint í liðið. Ég býst ekki við að hann eða Robin van Persie spili allar 90 mínúturnar í kvöld," sagði David Moyes við BBC.

Aron Einar Gunnarsson byrjar á bekknum hjá Ole Gunnar Solskjaer.

Byrjunarlið Manchester United: De Gea; Rafael, Smalling, Evans, Evra; Valencia, Jones, Giggs, Young; Mata, van Persie.

Byrjunarlið Carfiff City: Marshall, Caulker, Hudson, John, McNaughton, Medel, Whittingham, Noone, Mutch, Bellamy, Campbell.