Rio Ferdinand: Tími til að yfirgefa United eftir tólf frábær ár

Rio Ferdinand hefur spilað sinn síðasta leik með Manchester United og mun yfirgefa félagið í sumar.

Manchester United mun ekki bjóða hinum 35 ára miðverði nýjan samning en hann hefur spilað 454 leiki fyrir félagið og unnið ensku deildina sex sinnum.

„Ég hef ákveðið það nú sé rétti tíminn til að yfirgefa United eftir tólf frábær ár," skrifaði Rio Ferdinand í opnu bréfi á heimasíðu sinni.  „Ég hef hugsað vel og lengi um næsta skref," bætti hann við.

Manchester United hefur beðið Ferdinand um að verða "goðsögn" hjá félaginu í næstu framtíð en það er einskonar sendiherrastaða sem nokkrir útvaldir United-menn hafa tekið að sér.

Áður en að því kemur þá ætlar Rio Ferdinand að finna sér nýtt félag. „Ég er heill og í góðu formi. Ég er tilbúinn fyrir næstu áskorun og hlakka til að sjá hvað framtíðin bíður upp á," skrifaði Ferdinand.